今季竟然陷入護級漩渦嘅阿仙奴，將作客白禮頓進行「護級大戰」！阿仙奴上輪主場擊敗車路士，叫做暫時止住個頹勢，不過球隊作客演出相當唔掂，加上仍然受傷病問題困擾，面對主場極為硬淨嘅白禮頓，作客讓波擇使，白禮頓讓球主勝好路。（Now 621周三凌晨2時直播）
阿仙奴上場3比1擊敗車路士，領隊阿迪達起用加比爾馬天尼利、伊美路維等年輕球員掛帥，望落好似有新希望，不過4日內踢2場，對於一眾新仔嚟講，無疑係極大壓力同考驗。
阿仙奴爆疫多位主力休戰
最弊係「兵工廠」近日爆出新冠肺炎危機，中堅加比爾馬加希斯因被列為「密切接觸者」需要隔離，韋利安同大衞雷斯亦因出現徵狀而被勒令休戰，今仗極大機會齊齊缺陣，加上湯馬士柏迪等主將仍未康復，只能以地莊人腳應戰。最大鑊係，兵工廠今季作客成績差勁，近6場聯賽作客只得1勝1和4負，包括近2仗作客熱刺同愛華頓都輸波，客場腳軟問題嚴重。
白禮頓捲入降班漩渦，今季主場仲未開齋，不過球隊近期主場出擊表現相當硬淨，近5場聯賽主場和咗4場，包括同利物浦踢成1比1，可見白禮頓並非不堪一擊，要喺主場贏佢哋唔易，阿仙奴作客不穩，「海鷗」有力搶分，讓球主勝值得捧場。
